‘तेल भिसा’को बुकिङ खुल्यो, कस्तो गर्ला ओपनिङ ?

मंसिरको ७ गतेबाट रिलिजमा आउन लागेको फिल्म ‘तेल भिसा’को अग्रिम बूकिङ खुलेको छ । भोलिबाट रिलिजमा आउन लागेको यो फिल्मलाई देशभरका मल्टिप्लेक्सहरुले सुखद शोज दिएका छन् ।

कलाकारद्वय विपिन कार्की र वर्षा राउतको जोडीको फ्याक्टरले शोजमा काम गरेको देखिन्छ । यो फिल्मलाई क्यूएफएक्स चेनले उपत्यकामा २५ र मोफसलमा २५ शोज दिएको छ ।

यस्तै, आइएनआई चेनले ९ शोज, वान सिनेमाजले ७ शो, एफक्यूबले ७ शोज, बीग मुभिजले ४ शो, बीएसआर मुभिजले ३ शो, रञ्जना सिनेप्लेक्सले ५ शो, सिके सिनेमाजले ३ शो, सिने डी सेफले ४ शो, कीर्तिपुर सिनेप्लेक्सले १ शो उपलब्ध गराएको छ । यो फिल्मले देशभर डेढ सय हारहारीको शोज पाएको छ । 

फिल्मले बूकिङ ठीकठाक छ । बलियो वर्ड अफ माउथ आएको खण्डमा दर्शकको चाप बढ्न सक्छ । शंकर घिमिरेको लेखन तथा निर्देशनमा तयार भएको यो फिल्ममा विपिन कार्कीको दोहोरो भूमिका छ । साथमा, फिल्ममा वर्षा राउत, पुजा चन्द, ऋचा घिमिरे, वुद्दि तामाङ, सुचित्रा उप्रेती लगायतका कलाकारहरुको अभिनय छ ।