‘सत्यवीर’मा प्रकाशको भूमिका के ?

कलाकार प्रकाश शाह नयाँ फिल्म ‘सत्यवीर’मा अनुबन्धित भएका छन् । गडरेज पिक्चर्सको निर्माणमा तयार हुन लागेको यो फिल्ममा उनको भूमिका के हो भन्ने खुलाइएको छैन । तर, सार्वजनिक पोस्टरमा उनको ‘एङ्ग्री अवतार’ देख्न सकिन्छ । 

प्रदीप चौधरीको मुख्य भूमिका रहने यो फिल्ममा कथा पनि उनकै छ । विराज खड्काको निर्देशनमा तयार हुन लागेको यो फिल्मको छायांकन डिसेम्बरमा सुरु हुनेछ । आदेश सुब्बाको निर्माणमा तयार हुन लागेको फिल्ममा ४० प्रतिशत भीएफएक्सको प्रयोग हुने निर्माणपक्षले बताएको छ ।

फिल्मको छायांकन काठमाडौं, चितवन र तराईका विभिन्न जिल्लामा गरिनेछ । फिल्म ‘रावायण’मा काम गरेपछि प्रकाशको चर्चा पनि चुलिएको हो । यो फिल्ममा उनी नायक पल शाहसँग एक्सन अवतारमा देखिएका थिए । उनको गेटअपले दर्शकको साथ पायो । जसकाकारण, उनलाई एकपछि अर्को फिल्मबाट अफर आउन थालेको छ । 

प्रकाश यो भूमिकालाई लिएर आफू निकै उत्साहित रहेको बताउँछन् । दर्शकले आफूलाई फरक भूमिकामा हेर्न पाउने प्रकाशको दाबी छ ।