‘डोरी’मा अञ्जना बराइली

नायिका अन्जना बराइली फिल्म ‘डोरी’मा अनुबन्धित भएकी छिन् । अरुण लामाको निर्देशनमा तयार हुन लागेको यो फिल्ममा प्रकाश घिमिरे, प्रवीण खतिवडा, शिशिर वाङ्देल, कविता आले, राज पौडेल, विशाल राई, मिलन राई, नूतन र वीरेन्द्र सिंह कुशवाह लगायतका कलाकारहरुको अभिनय छ ।

हरर, थ्रिलर, एक्सन र कमेडीको मिश्रणमा निर्माण हुन लागेको यो फिल्मले आर्थिक बोझ हल्का गर्न जीवनका जोखिमपूर्ण निर्णयहरू लिने एउटा जीवनको गहिरो दुष्चक्रमा फसेको संघर्ष शील युवाको वरिपरीको कथा भन्नेछ ।

यो फिल्ममा हाँसो, त्रास र असफलतासहितको संघर्षलाई प्रस्तुत गरिनेछ । ‘मिस्टर एक्स’को लगानीमा तयार हुन लागेको यो फिल्मका कार्यकारी निर्माता राज थापा हुन् ।

फिल्ममा राजनराज सिवाकोटीको संगीत, सौरभ लामाको छायांकन, राजु तामाङको एक्सन रहनेछ । आउँदो बर्ष यो फिल्म रिलिज गर्ने निर्माणपक्षले बताएको छ ।