‘ह्रस्व दीर्घ’को क्लाइमेक्समा विपना थापाको बलियो अभिनय

लामो समयपछि नेपाली फिल्मको पर्दामा फर्किएकी नायिका विपना थापाले दर्शकको मन जितेकी छिन् । आजबाट रिलिजमा आएको फिल्म ‘ह्रस्व दीर्घ’ हेरेर फर्किएका अधिकांश दर्शकले विपनाको अभिनयको खुलेरै तारिफ गरेका छन् ।

विशेषगरि, फिल्मको क्लाइमेक्समा विपना थापाले गरेको अभिनयले दर्शकको मन जितेको छ । उनको अभिनयले दर्शकलाई भावुक बनाउँछ । 

एक आमाले छोराप्रति देखाएको प्रेमले अधिकांश दर्शकको आँखा रसायो । फिल्ममा विपनालाई हरिहर अधिकारीको आमाको भूमिकामा देखाइएको छ । 

कुनै समय विपनाको अभिनयले दर्शकलाई मोहित बनाउँथ्यो । उनै, नायिकाको अभिनय दर्शकले हलमा हेर्न नपाएको लामो समय भएको थियो । 

तर, आजबाट रिलिजमा आएको फिल्म ‘ह्रस्व दीर्घ’ले विपनालाई फेरि चर्चामा ल्याइदिएको छ । दर्शक, मिडियाकर्मी र फिल्मीकर्मीले विपनाको तारिफ गरेका छन् ।