दया र आँचलको ‘दुखी आत्मा’ फागुन २ बाट रिलिज हुने

दीपेन्द्र लामाको लेखन तथा निर्देशनमा तयार भएको फिल्म ‘दुखी आत्मा’को प्रदर्शन मिति तय भएको छ । यो फिल्मलाई फागुनको २ गते भ्यालेन्टाइन डेको अवसर पारेर रिलिज गर्ने तयारी यसको निर्माणपक्षले गरेको छ । 

यो फिल्ममा दयाहाङ राई, आँचल शर्मा, अनुप विक्रम शाही, वुद्दि तामाङ, रेयर राई लगायतका कलाकारहरुको अभिनय छ । क्लकवर्क क्रियशनको ब्यानरमा निर्माण भएको यो फिल्मले सामाजिक कथालाई प्रस्तुत गरेको छ । 

हिमाल कडरिया निर्माता रहेको फिल्ममा सुदिप ढकाल कार्यकारी निर्माता, आलोक शुक्लाको छायांकन छ । फिल्मलाई आरआर फिल्मस्ले वितरण गर्नेछ ।