दयाको हातमा उस्तै छ फिल्मको लाइनअप

नायक दयाहाङ राइको यो बर्ष ‘डिग्री माइला, मनसरा, गाउँ आएको बाटो र घर ज्वाइँ’ रिलिजमा आए । यी चारै वटा फिल्मको व्यापार सुखद बन्यो ।

यसपछि, दयाको पौष २६ गते फिल्म ‘कार्साङ्ग’ रिलिजको तयारीमा छ । यो बर्ष नै उनी अभिनित फिल्म ‘अन्जिला’ फागुनको २९ गतेबाट रिलिजमा आउँदैछ । 

दयाले नयाँ फिल्मको छायांकन भने गरेका छैनन् । उनी, फिल्म ‘रिमै’को छायांकन गर्ने तयारीमा छिन् । फिल्म ‘पिताम्बर’मा पनि उनको विशेष भूमिका छ । 

गतबर्ष धेरै फिल्म खेलेको भन्दै आलोचना भएपछि दयाले यो बर्षदेखि फिल्मको संख्या घटाउने बताएका थिए । तर, उनको हातमा फिल्मको लाइनअप उस्तै छ । 

दयाले फिल्म ‘कबड्डी ५’मा पनि काम गर्ने तयारी गरेका छन् । उनले, निर्देशक अशोक शर्मादेखि नायिका रेखा थापाले बनाउन लागेको फिल्म पनि साइन गरेर बसेका छन् । अधिकांश फिल्मका निर्माताहरू दयाको डेट नै कुरेर बसेका छन् । यी बाहेक दयाले अन्य केही फिल्म पनि साइन गरेको वुझिएको छ । 

यो वर्षमात्र दयाको ४ वटा फिल्म रिलिज भइसकेका छन् भने दुई वटा फिल्म रिलिजको मिति पक्का भइसकेको छ । लाइनअपलाई हेर्ने हो भने अर्को बर्ष पनि दयाका फिल्म रिलिज वर्षैभरी हुने देखिन्छ ।