‘फेस अफ कर्णाली याक्स’को रुपमा स्वस्तिमा आवद्ध

नायिका स्वस्तिमा खड्का हिमालयन विल्डर्स एण्ड इन्जिनियर्सको स्वामित्वमा रहेको कर्णाली याक्समा ‘फेस अफ कर्णाली याक्स’को रुपमा आवद्ध भएकी छिन् । बुधबार आयोजित पत्रकार सम्मेलनमा कर्णाली एक्सले एनपिएलको लागि खड्कालाई आवद्ध गरेको हो । 

कार्यक्रममा स्वस्तिमाले कर्णाली प्रदेश फरक संस्कृति, रहनसहन र वातावरणसँगै क्रिकेटबाट पनि चर्चामा रहने विश्वास व्यक्त गरिन् । स्वस्तिमाले नेपाली क्रिकेट विश्वस्तरमा चिनिँदै गएकोमा खुशी व्यक्त गरिन् ।

उनले, आफ्ना श्रीमान् निश्चल बस्नेत पनि कर्णाली प्रदेशकै भएकाले पनि आफूलाई कर्णाली याक्ससँग जोडिन सहज भएको जानकारी दिइन् । कार्यक्रममा कर्णाली याक्सको गीत पनि सार्वजनिक गरिएको थियो ।