‘लक्की’ नायिका अन्जना

नायिका अन्जना बराइलीले अभिनय गरेका एकपछि अर्को फिल्मले बक्स अफिसमा सुपरहिटको व्यापार गरेपछि उनको चर्चा पनि बढेको छ । डेब्यू फिल्मबाटै बक्स अफिस सफलताको स्वाद चाखेकी अन्जना अभिनित पछिल्लो फिल्म ‘पूर्ण बहादुरको सारङ्गी’ले बक्स अफिसमा धमाका मच्चाइरहेको छ । 

उनले अभिनय गरेको पहिलो फिल्म ‘महापुरुष’ बक्स अफिसमा हिट भयो । यसपछि उनले अभिनय गरेको अर्को फिल्म ‘पुजार सार्की’ पनि बक्स अफिसमा हिट भयो । 

उनै, अन्जना अभिनित फिल्म ‘पूर्ण बहादुरको सारङ्गी’ले बक्स अफिसमा आक्रामक व्यापार गरिरहेको छ । यो फिल्मको सफलतासँगै उनले बक्स अफिसमा सफलताको ह्याट्रिक गरेकी छिन् । 

अन्जनाको कामको चर्चा पनि भइरहेको छ । लगातार फिल्म हिट भएपछि उनको माग पनि फिल्ममा बढ्ने पक्का छ । उनी, नेपाली फिल्म क्षेत्रकी ‘लक्की’ नायिकाको रुपमा चिनिएकी छिन् ।