'बेहुली फ्रम मेघौली'को अमेरिकामा पुनः प्रदर्शन

सजन काफ्ले र आकाश बरालको लेखन तथा निर्देशन रहेको फिल्म 'बेहुली फ्रम मेघौली'को अमेरिकामा पुनः प्रदर्शन गरिएको छ । दर्शकको अत्यधिक मागका कारण अमेरिकाको विभिन्न सहरमा फिल्म पुन: प्रदर्शन गरिएको हो । 

यो फिल्मकी निर्मात्री तथा अभिनेत्री स्वस्तिमा खड्काको मुख्य भूमिका रहेको फिल्मको टेक्ससमा ३० भन्दा बढी शो टाइमहरू सहित शुक्रवारबाट प्रदर्शन सुरु भएको थियो । जहाँ, दर्शकको उल्लेखनीय चाप देखियो । 

कोलोराडो, न्यूह्याम्सायर, बाल्टिमोर, भर्जिनिया, बोस्टन लगायत २० भन्दा बढी राज्यहरूमा पनि प्रदर्शनको तयारी गरिएको वितरक रबिन कार्की ‘रायन रेज’ले बताए। फिल्मलाई यसअघि अक्टोबर ३ मा नेपालसँगै क्यालिफोर्नियाका थुप्रै थिएटरहरूमा रिलिज गरिएको थियो ।