ओटीटीमा ‘बेहुली फ्रम मेघौली’ रिलिज

दशैंको घटस्थापनामा रिलिज भएको फिल्म ‘बेहुली फ्रम मेघौली’ ओटीटीमा रिलिज गरिएको छ । फिल्म निर्देशक निश्चल बस्नेतले हलको विकल्प खोज्दै आजबाट ओटीटीमा रिलिज गरेका हुन् ।     

निश्चलले केहीदिन अगाडि आफ्नो फिल्मलाई दर्शकको राम्रो साथ र फिल्म हेर्ने चाहना हुँदाहुँदै पनि शोजमा विभेद गरिएको भन्दै हलको विकल्प खोज्ने बताएका थिए । हलमा रिलिज भएको महिना दिन पनि नबित्दै फिल्मलाई ओटीटीमा रिलिज गरिएको हो । 

स्वस्तिमा खड्काको निर्माण तथा अभिनय रहेको यो फिल्मलाई आईओएस र एन्ड्रोइडमा उपलब्ध उक्त ओटीटीको एप डाउनलोड गरेर पनि हेर्न सकिने निश्चलले बताए ।

साजन काफ्ले र आकाश बराल निर्देशित यो फिल्मले ३० वर्ष उमेर पुगेकी एक युवतीले योग्य दुलाहा खोज्न गर्ने संघर्षको कथालाई प्रस्तुत गरेको छ ।