‘केटी हराएको सूचना’को दोस्रो पोष्टर रिलिज -  गम्भीर भावमा नाजिर र सृष्टि

यही कार्तिक ३० गतेबाट प्रदर्शन हुने फिल्म ‘केटी हराएको सूचना’को दोस्रो पोष्टर रिलिज गरिएको छ । यो फिल्मको दोस्रो पोस्टरमा नायक नाजिर हुसेन र नायिका सृष्टि श्रेष्ठ गम्भीर मुद्रामा प्रस्तुत छन् । 

यो फिल्मको सार्वजनिक पोस्टरको पृष्ठभूमिमा ‘बजारमा अनौठो परिवेशको नयाँ चलचित्र’को हेडलाइनमा समाचार छापिएको देखाइेको छ । त्यस्तै, यो फिल्मका लेखक तथा निर्देशक दीपेन्द्र गौचनको नाम देख्न सकिन्छ । 

ट्राई सिटी पिक्चर्स प्रस्तुतकर्ता र ट्राई सिटी पिक्चर्सकै व्यानरमा निर्माण भएको यो फिल्ममा नकिम उद्दिन कार्यकारी निर्माता रहेका छन् । मनोहर दास मुल, अनिन राजभण्डारी, राजीव थापा, रोबिन थापा, राधेश पन्त, महेन्द्र शाक्य, ज्योतिमान शेरचन, चन्द्र भट्टचन, सञ्जय भट्टचन सह–कार्यकारी निर्माता रहेको फिल्मको अमितेष शाह सहायक निर्माता हुन् । 

दीपेन्द्र गौचन निर्देशित फिल्ममा अमर महर्जनको डीओपी, निमेष श्रेष्ठको सम्पादन, शंकर महर्जनको द्वन्द्व, दीपेन्द्र गौचन, प्रवेश मल्लिक र करुण थापाको संगीत, राजीव कर्णको कोरियोग्राफी छ । 

नाजिर र सृष्टिसँगै सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, मनोज शाह, अर्जुन पोखरेल र ओमप्रकाश कर्णको अभिनय रहेको यो फिल्ममा अमितेष शाह विशेष भूमिकामा छन् । फिल्मलाई एप्पल इन्टरटेनमेन्ट, एफडी कम्पनी र रिच इन्टरटेनमेन्टले वितरण गर्नेछ ।