नाजिर र श्रृष्टीको ‘केटी हराएको सूचना’को पोष्टर रिलिज

कार्तिकको ३० गतेबाट रिलिजमा आउन लागेको फिल्म ‘मिसिङ केटी हराएको सूचना’को पोस्टर सार्वजनिक भएको छ । ट्री सिटी पिक्चर्सको प्रस्तुतिमा तयार भएको फिल्मको पोष्टरमा मुख्य नायक नाजिर हुसेन र नायिका श्रृष्टी श्रेष्ठलाई स्थान दिइएको छ ।

दुई जना पोष्टरमा हात समाएर हिँडिरहेको देख्न सकिन्छ । यस्तै, पोष्टरमा फिल्मका अर्का कलाकार सञ्जय गुप्ता पनि छन् । दीपेन्द्र गौचनको निर्देशनमा तयार भएको फिल्ममा स्क्रिप्ट र निर्माण पनि उनकै छ ।

फिल्ममा रामनारायण ठाकुर, मदन ठाकुर, रीना रिमाल, कौशल्या ठाकुर, ललिता देवी मिश्र लगायतका कलाकारहरुको अभिनय छ ।

नकिम उद्दिन कार्यकारी निर्माता रहेको फिल्ममा दीपेन्द्र गौचनको कथा र लेखन, अमर महर्जनको डीओपी, निमेष श्रेष्ठको सम्पादन, शंकर महर्जनको एक्सन, दीपेन्द्र गौचन, प्रवेश मल्लिक र करण थापाको संगीत, राजीव कर्णको कोरियोग्राफी छ ।