३५ दिनमा सकियो ‘एक्लो’को छायांकन

फिल्म ‘एक्लो’को सम्पूर्ण छायांकन सकिएको निर्माणपक्षले बताएको छ । प्रदीप शाहीको निर्देशनमा तयार भएको यो फिल्मको छायांकन ३५ दिनमा सकिएको हो । फिल्मको छायांकन उपल्लो मुस्ताङ र काठमाडौंमा गरिएको हो ।

फिल्मका कार्यकारी निर्माता विनोद सुवेदीले पोष्ट प्रोडक्शनको काम लण्डनमा गरिने जानकारी दिए । फिल्मको रिलिज मिति भने तय गरिएको छैन । यो फिल्ममा प्रदीप खड्का, बेनिसा हमाल, विजय लामा, सुनिल थापा, दिया पुन, दिनेश डीसी, सुरज सिंह ठकुरी, एवनराज उप्रेती, कविता नेपाली, जेमी बेमक लगायतका कलाकारहरुको अभिनय छ ।

साई प्रोडक्शन नेपालको व्यानरमा निर्माण भएको फिल्ममा राजु कुमार गुरुङ, हरि श्रेष्ठ, विष्णु तामाङ, उत्सव बिष्ट, संगीता वादी श्रेष्ठ, भाइराजा थापा, नविन सिवा र बागविर पुनको लगानी छ । वावु श्रेष्ठको छायांकन रहेको फिल्ममा राजु तामाङको एक्सन कोरियोग्राफी, सन्तोष लामाको कला निर्देशन छ ।