प्रदर्शन स्थगित भएको ‘सानो संसार’ अब कार्तिक ९ मा

फिल्म ‘सानो संसार’को नयाँ प्रदर्शन मिति तय गरिएको छ । असोजको ११ गतेबाट रिलिजमा आएको फिल्मको प्रदर्शन असोजको १३ गतेबाट स्थगित गरिएको थियो ।

देशभर परेको झरीले ठूलो क्षति भएपछि फिल्मको रिलिज पनि स्थगित गरिएको थियो । अब, कार्तिकको ९ गतेबाट फिल्म रिलिज गर्ने घोषणा यसको निर्माणपक्षले गरेको छ । 

सिद्धार्थ पुडासैनीको निर्देशनमा तयार भएको यो फिल्ममा अर्जुन कुमार र माधव वाग्लेको लगानी छ । 

फिल्मले मध्य वर्गीय परिवारको जीवनशैलीलाई प्रस्तुत गर्छ । यो फिल्मले प्रिमियरमा निकै तारिफ समेत बटुलेको थियो । तर, फिल्म रिलिज भएको दिनदेखि नै देशभर भारी वर्षा भएको थियो ।

जसकाकारण, दर्शकहरु हलसम्म पुग्न सकेनन् । यसले, बक्स अफिसलाई फिल्मलाई असर पार्यो । जसकाकारण, निर्माताले फिल्मको रिलिज स्थगित गरेका थिए ।