'ज्वाइँ साब'को प्रमोसन छोडेर भिडियोमा व्यस्त नीति

यही असोजको २४ गते अर्थात फूलपाति बाट नायिका नीति शाह अभिनित फिल्म 'ज्वाइँ साब' प्रदर्शन हुँदैछ । नीतिको यो फिल्म सङै अर्का दुई ठुला ब्यानरका फिल्म‘छक्का पन्जा-५ र १२ गाउंँ’ पनि एकसाथ प्रदर्शनमा आउँदै छन् । 

यसरी यी दुई ठुला ब्यानका फिल्म सँग 'ज्वाइँ साब' भिड्दै गर्दा यो फिल्मकी मुख्य नायिका नीतिले आफ्नो फिल्मको प्रमोसन छोडेर म्युजिक भिडियोको सुटिङमा व्यस्त छिन् । 

नीति अभिनित फिल्म 'खजुरे ब्रो' बक्स अफिसमा पत्तासाफ नै भयो । उनको करिअरकै पहिलो फिल्म खजुरे ब्रो पत्तासाफ भएपछि नीतिले 'ज्वाइँ साब' मार्फत आफुलाई बलियो साबित गर्नुपर्ने चुनौती छ । यो फिल्मको निर्माणपक्षले फिल्म प्रमोसनको लागी कुनै कसुर बाँकी राखेको छैन् । निर्माणपक्षले नीतिलाई राम्रो साथ दिएको छ र नीतिलाई यो फिल्मले ठुलो अवसर पनि दिएको थियो । तर, यती हुँदाहुँदै पनि अहिले उनले फिल्मको  प्रमोसनमा खासै ध्यान दिएको देखीदैन  । 

भिडियो सुटिङको लागि उनी ४-५ दिनदेखी मनाङ तिरै रहेकी नीतिको यस्तो व्यवहाँरका कारण अहिले निर्माणपक्ष निकै तनाबमा छ । उनलाई नेपालको ठुलो मिडियाहरुले अन्तर्वार्ताको लागि खोज्दै गर्दा कलाकार जितु नेपाल एक्लैले अन्तर्वार्ता दिइरहेका छन् ।

नीतिले आफ्नो म्यानेजरले बनाएको सेड्युल अनुसार चल्ने र फिल्म रिलिज मिती नजिकिदै गर्दा पनि प्रमोसनको लागि म्यानेजरको सेड्युल कुरेर बस्ने हो भने आगामी दिनमा उनलाई गार्‍हो हुने निश्चित छ ।  

म्यानेजरको सेड्युल अनुसार चल्ने नीतिले यतिबेला आफ्नो सेड्युललाई मिलाएर भएपनी यो फिल्मको प्रमोसन गर्नुपर्ने देखीन्छ  । किनकी, उनलाई यो पटक जित्नै पर्ने चुनौती छ । यदी यो चुनौती र अवसर उनको हातबाट फुस्क्योभने आउने दिनमा उनको ओरालो यात्रा सुरु नहोला भन्न् सकिन् ।