कार्तिक २२ मा हरर फिल्म ‘फिरफिरे फिरिरी’ रिलिज हुने

बिन्दबासिनी क्रियसनले कमेडी जनरामा निर्माण गरेको हरर फिल्म ‘फिरफिरे फिरिरी’को फस्टलुक पोस्टर सार्वजनिक गरिएको छ।  १५ बर्षपछि फेरी फिल्म निर्माणमा फर्किएका मनोज कुमार अधिकारीले निर्माण गरेको फिल्मको सोमबार पहिलो पोस्टर रिलिज गरिएको हो ।

सार्वजनिक पोस्टरमा चारजना पात्रहरु प्रस्तुत छन् । स्कुटीमा बसिरहेकी युवतीलाई तिन जना युवाहरुले तानातान गर्दै गरेको देखाईएको छ। अनन्त घिमिरेले डिजाइन गरेको पोस्टरमा फिल्मको नाम पहेलो रंगले हाईलाइट गरिेको छ, जस्मा स्लोगन आज साईकल.. भोली फरारी लेखिएको छ।

नबिन भट्टको निर्देशनमा बनेको यो फिल्मको फस्टलुक संगै प्रदर्शन मिति घोषणा गरिएको छ। यो फिल्म आगामी कार्तिक २२ गते छठ पर्वको अवसर पारेर प्रदर्शन आउनेछ । 

सन्दिप श्रेष्ठ र नबिन भट्टको लेखन रहेको फिल्ममा मनोज कुमार अधिकारी,सन्दिप श्रेष्ठ, भावना उप्रेती,शंकर सेढाई, पिटर प्रिन्स, रबिना केसी,पुष्प अवस्थी,सूर्यमान लिम्बु लगायतका कलाकारको अभिनय रहेको छ। यो फिल्मबाट सन्दीप श्रेष्ठ र भावना उप्रेतीले नेपाली फिल्ममा डेब्यु गर्दैछन।

यो फिल्ममा जितु तामाङको छायांकन,रोशन दास,प्रकाश दाहाल र अग्नि सुबेदीको सहायक निर्देशन,केशव राज भट्टको कोरियोग्राफी,एलिस कार्कीको ब्याकराउण्ड म्युजिक,प्रशान्त सिवाकोटीको संगीत,अमित श्रेष्ठको साउण्ड डिजाइन,अनन्त घिमिरेको सम्पादन तथा कलर संयोजन रहेको छ। यो फिल्मलाई देशभर आर.आर फिल्म्सले वितरण गर्नेछ।