ग्लोबल ट्रेन्डिङको ७३ नम्बरमा ‘खुस्मा’को ‘रुकुम मैकोट’

गत बिहीवारबाट प्रदर्शनमा आएको फिल्म ‘खुस्मा’को ‘रुकुम मैकोट’ गीत ग्लोबल ट्रेन्डिङको ७३ नम्बरमा परेको छ। यतिबेला फिल्मले राम्रै व्यापार गरिरहेको बेला ‘रुकुम मैकोट’ गीतले झनै खुशी दिएको हो । 

एक करोड ३५ लाख भन्दा धेरै पटक हेरिएको गीत ग्लोबल ट्रेन्डिङमा प्रवेश गरेपछि निर्माणपक्ष खुशीले दंग छ । नेपाली गीत ग्लोबल ट्रेन्डिङमा बिरलै मात्रै पर्छन् । जुन सफलता ‘रुकुम मैकोट’ले प्राप्त गरेको हो ।

टिकटकमा अत्याधिक रुचाइएको यो गीत लामो समयसम्म युट्युब ट्रेन्डिङको पहिलो नम्बरमा बसेको थियो । अन्य लोकप्रिय ब्रान्ड र कलाकारका गीतले पनि यो गीतलाई उछिनेर ट्रेन्डिङको एक नम्बरमा पुग्न सकेका थिएनन् । यो गीत अहिले पनि म्युजिक ट्रेन्डिङको एक नम्बरमा नै छ ।

एसडी योगी र शान्तीश्री परियारको स्वर, सुरेन्द्र रानाको शब्द रहेको गीतमा संगीत पनि एसडी योगी कै छ । यो गीतको भिडियोमा धिरज मगर र उपसना सिंह ठकुरीलगायत अन्य कलाकार पनि फिचर्ड छन् ।