हरर जनराको फिल्म ‘ममी'को मुहूर्त सम्पन्न

हरर जनरामा निर्माण गरिने फिल्म ‘ममीको’ मुहूर्त गरिएको छ। यो फिल्मको आज राष्ट्रिय चलचित्र दिवस र विश्वकर्मा पूजाको अवसर पारेर मुहूर्त गरिएको हो। 

फिल्मको मुहूर्त सँगै आजबाट छायांकन सुरु गरिएको छ । पूर्णिमा जोशी र समर निरौलाको संयुक्त लेखन रहेको फिल्मलाई लोकराज जोशी र पूर्णिमा जोशीले निर्माण गर्ने छन्।

समर निरौलाको निर्देशन रहेको यो फिल्ममा प्रियंका कार्की, सुलक्षण भारती तथा दीया मास्केको मुख्य भूमिका छ। फिल्ममा समीप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल, रिना ढकाल लगायत कलाकारहरूको अभिनय रहनेछ।

शरद महतोको छायांकन गर्ने यो फिल्मको ३० दिनमा पहिलो चरणको छायांकन सकिने निर्माणपक्षले जनाएको छ । फिल्मको दोस्रो चरणको छ्यांकन तिहारपछि हुने जनाइएको छ ।