‘सानो संसार’को ट्रेलरमा परिवारको कथा

अर्जुन कुमारको निर्माण तथा माधव वाग्ले कार्यकारी निर्माता रहेको फिल्म ‘सानो संसार’को ट्रेलर रिलिज भएको छ । आज सार्वजनिक भएको ट्रेलरमा एउटा परिवारको कथा प्रस्तुत गरिएको छ । खुशी, मेलमिलाप र अभावको कथामा यो फिल्मको ट्रेलर तयार पारिएको छ । 

फिल्ममा अन्जसा रिजाल, अनु दाहाल, राज पंगेनी शर्मा, सितादेवी तिमिल्सेना, जीवन गौतम, सरिता भण्डारी, शिशिर सिवाकोटी लगायतका कलाकारहरुको यो फिल्ममा अभिनय छ । 

सरिष्मा खत्री र सिद्धार्थ पुडासैनी मिलेर लेखेको फिल्मको कथामा रोमी तण्डुकारको सम्पादन, सुजैन खड्का र मनोज खड्काको कोरियोग्राफी, प्रवीण खड्काको छायांकन छ । 

फिल्मलाई सिद्धार्थ पुडासैनीले निर्देशन गरेका हुन् । असोजको ११ गतेबाट रिलिजमा आउन लागेको यो फिल्मलाई दर्शकले मन पराउने विश्वास निर्माणपक्षको छ ।