‘रंगी’ निर्माण गर्दै सलोन, निर्देशनमा सुरेशको डेब्यू

फिल्म ‘रंगी’ निर्माणको घोषणा भएको छ । सलोन सलिना फिल्मस् प्रा.लिको व्यानरमा निर्माण हुन लागेको यो फिल्मलाई सुरेश न्यौपानेले निर्देशन गर्दैछन् ।

थुप्रै फिल्ममा सह–निर्देशकको रुपमा काम गरेका सुरेशको यो डेब्यू निर्देशन हो । यो फिल्मले बाबु र छोरीको कथालाई प्रस्तुत गर्ने बताइएको छ । सक्षम सुवेदीको निर्माण रहने फिल्मको कथालाई सुमन गजमेरले लेखेका हुन् ।

सौरभ लामाको छायांकन रहने फिल्मका लागि कलाकार  भने फाइनल गरिएको छैन । असोजको ११ गतेबाट यो फिल्मको छायांकन काठमाडौंमा हुनेछ ।