दया र आँचलपछि ‘दुःखी आत्मा’मा अनुपको इन्ट्री

फिल्म ‘दुःखी आत्मा’मा नायक अनुप विक्रम शाही अनुबन्धित भएका छन् । निर्माणपक्षले अनुपलाई फिल्ममा अनुबन्धित गरेसँगै छायांकन मिति पनि सार्वजनिक गरेको छ । यो फिल्म भदौको २४ गतेबाट छायांकनमा जाने निर्माणपक्षले बताएको छ ।

फिल्ममा यसअघि नायक दयाहाङ राई र नायिका आँचल शर्मा फाइनल भइसकेका छन् । फिल्मका लेखक तथा निर्देशक दीपेन्द्र लामाले कथाको माग अनुसार चरित्रमा फिट भएकाले अनुपलाई अनुबन्धित गरिएको बताए ।

क्लक वर्क क्रियशनको ब्यानरमा निर्माण भएको फिल्मलाई हिमाल कडरियाले लगानी गर्न लागेका हुन् ।

आलोक शुक्लाको छायांकन रहने फिल्ममा वुद्दि तामाङ, पुस्कर गुरुङ, कविता आले, शिशिर वाङ्देल, आशान्त शर्मा, लोकेन्द्र लेखक, अंकित खड्का, लुनिभा तुलाधर, आरती आचार्य, निमा पाण्डे लगायतका कलाकारहरुको अभिनय रहनेछ ।

फिल्ममा सुशान्त गौतमको संगीत, रामजी लामिछानेको कोरियोग्राफी रहनेछ ।