‘रावायण’को ‘करेजा निकारी’मा पल र निकिताको डान्स

भदौको २१ गते अर्थात् शुक्रबारबाट रिलिजमा आउन लागेको फिल्म ‘रावायण’को ‘करेजा निकारी’ गीत आज सार्वजनिक भएको छ । ओएसआर डिजिटलबाट सार्वजनिक गीतमा नायिका निकिता चण्डकको आइटम नृत्य हेर्न सकिन्छ । उनलाई गीतको भिडियोमा फिल्मका मुख्य नायक पल शाह र कलाकार प्रकाश शाहले साथ दिएका छन् । 

रेवन आरती सिंहको शब्द, सोनु कक्कर र समीर चौरासियाको स्वर, अनामिका चौहानको संगीत रहेको यो गीत भोजपुरी भाषामा तयार पारिएको छ । 
सार्वजनिक गीतको भिडियोले फिल्मप्रतिको परिवेशको कथा भन्छ । सुदर्शन थापाको निर्देशनमा तयार भएको फिल्मलाई पूजा शर्माको एकल लगानीमा तयार पारिएको हो । 

फिल्ममा पल शाह, पूजा शर्मा, प्रकाश शाह, प्रियंका कार्की, प्रमोद अग्रहरी लगायतका कलाकारहरुको अभिनय छ । फिल्म ‘रावायण’को यो गीतको भिडियोमा विक्रम स्वारको कोरियोग्राफी, सौरभ लामाको छायांकन, श्री श्रेष्ठको एक्सन छ । 

पूजा शर्मा फिल्मस् र सुदर्शन थापा प्रोडक्शनको ब्यानरमा यो फिल्म निर्माण भएको हो ।