‘पूर्ण बहादुरको सारङ्गी’को मन छुने टिजर

कात्तिकको १५ गतेबाट रिलिजमा आउन लागेको फिल्म ‘पूर्ण बहादुरको सारङ्गी’को टिजर सार्वजनिक भएको छ । सार्वजनिक टिजरमा बाबु र छोराको सम्बन्धलाई देखाइएको छ । सार्वजनिक टिजरमा फिल्मका मुख्य दुई पात्र विजय बराल र प्रकाश सपुतलाई देखाइएको छ ।

गरिबीका कारण बुबाले झेल्नु परेको अभाव, समस्या र छोराले पाएको शैक्षिक सफलता र विछोडको पीडा टिजरमा समेटिएको छ । यो टिजरमा एक बाबुले आफ्नो सन्तानको प्रगति र खुशीका लागि गर्ने त्याग र संघर्षको कथा उल्लेख गरेको छ ।

एक विपन्न बुबाको आफ्नो सन्तान प्रतिको सपना पुरा गर्न गरिने संघर्षको कथामा यो फिल्म बनेको छ । विनोद पौडेल र प्याट्रिक सुवेदीको लगानीमा तयार भएको फिल्मलाई सरोज पौडेलले लेखन तथा निर्देशन गरेका हुन् ।

फिल्ममा मुकुन भुसाल, वुद्दि तामाङ, अन्जना बराइली, माओत्से गुरुङ, देशभक्त खनाल, भोलाराज सापकोटा, विनोद न्यौपाने, अलिसा बास्तोला, श्याम केसी र जानवी पौडेलको अभिनय छ । सेभेन सिज सिनेमा र बाँसुरी फिल्मस्को प्रस्तुतिमा यो फिल्म निर्माण भएको हो ।

महेश दवाडीको पटकथा तथा संवाद रहेको फिल्ममा रमेश चौलागाई, हरि श्रेष्ठ र रमेश ढकाल कार्यकारी निर्माताको रुपमा छन् । फिल्ममा प्रशान्त सिवाकोटीको संगीत छ ।