‘रावायण’ पलको फिल्म हो, म मेकर हुँः पूजा शर्मा

भदौको २१ गतेबाट फिल्म ‘रावायण’ रिलिजमा आउँदैछ । यो फिल्मको प्रचारमा अहिले निर्मात्री तथा नायिका पूजा शर्मा र नायक पल शाह कुँदिरहेका छन् । भदौमा सुनसान बनिरहेको बक्स अफिसलाई यो फिल्मले उकास्ने अपेक्षा धेरैको छ ।

सुदर्शन थापाको निर्देशन तथा पूजा शर्माको एकल लगानीमा तयार भएको फिल्ममा नायक पल शाहको दोहोरो अवतार छ । फिल्ममा पल ‘राघव र कान्छा’को भूमिकामा छन् । 

नायिका पूजा शर्माले पनि यो फिल्म नायक पल शाहको भएको बताइन् । मेरो फिल्मसँगको कुराकानीमा पूजाले भनिन्–‘यो फिल्म पलको हो । म यो फिल्ममा नायिका भन्दा पनि मेकरको रुपमा देखिएकी छु । पलले फिल्मका लागि गरेको मिहिनेत प्रशंसायोग्य छ । कहिलेकाही त पलले मिहिनेत गरेको देख्दा मेकरको नाताले म आफै छक्क पर्थेँ । भोलिका दिनमा राम्रो हुन्छ भनेर पललाई फकाउँथे पनि ।’

पूजाले अबका दिनमा दर्शकलाई मनपर्ने स्वादका फिल्म निर्माण गर्न आफू केन्द्रित हुने बताइन् । उनले भनिन्–‘अब हामीलाई पल र पूजा भनेर चिनिनु छैन । दर्शकले दिएको मायालाई अझै कसिलो बनाउनु छ । यसैले, यो फिल्मका लागि हाम्रो टिमले निकै मिहिनेत गरेको छ ।’

यता, नायक पल शाहले पनि नायिका तथा निर्मात्री शर्माको प्रशंसा गरे । पलले पूजा फिल्म निर्माणमा निकै गम्भीर हुने गरेको बताउँदै टिम सम्हालेकोमा धन्यवाद दिए । 

पलले सुदर्शन र पूजासँग काम गर्दा आफूलाई घरकै फिल्ममा फर्किएको आभाष हुने समेत बताए ।