प्रिमियरमा तारिफ पाएको ‘वर एण्ड वधु’ हलमा

मंगलबार पोखरा र बुधबार ललितपुरको लाबिम मलमा आयोजना भएको प्रिमियरमा फिल्म ‘वर एण्ड वधु’ले फिल्मीकर्मी र पत्रकारहरूको राम्रो साथ पायो । 

प्रिमियरमा तारिफ पाएको यो फिल्म आजबाट हलमा लागेको छ । देशभरका हलमा सुखद शोज सहित रिलिजमा आएको फिल्मले दर्शकको पनि साथ पाउने विश्वास गरिएको छ । 

मिलन चाम्सको निर्देशनमा तयार भएको फिल्ममा आँचल शर्मा, विवेक कर्मचार्य, किरण केसी, रविन्द्र खड्का, विजय लामा, सरिता लामिछाने, अंशु महर्जन, कुसुम शर्मा, विजु पार्की, गरिमा शर्मा, श्रृष्टी खड्का, हिमेश पन्त लगायतका कलाकारहरुको अभिनय छ । 

यो फिल्मको उच्च मेकिङ, कलाकारहरुको अभिनय र कथावस्तुले दर्शकको मन जित्ने विश्वास गरिएको छ । 

फिल्म ‘वर एण्ड वधु’लाई एलआरके इन्टरटेन्मेन्टका लागि जानुका थापाले निर्माण गरेकी हुन् । अमित रिजाल फिल्मका कार्यकारी निर्माता हुन् ।