कात्तिकमा ७ वटा फिल्म

नेपाली फिल्मका लागि दशैं भन्दा कात्तिक महिनाको चाप अझ बढी हुने भएको छ । असोजमा केही फिल्म पोष्टपोन्ड भए । तर, कात्तिकमा भने फिल्म रिलिजको चाप बढेको छ । 

कात्तिकको ९ गते फिल्म ‘गुन्यू चोलो’ रिलिज हुँदैछ । आजका दिनसम्म यो फिल्मले सोलो रिलिजको अवसर पाएको छ । 

तर, कात्तिकको १५ गते भने भिडन्तको चर्को रुपमा देख्न पाइनेछ । यो मितिमा ‘एक्टर, मायाबी र पूर्ण बहादुरको सारङ्गी’ रिलिज हुने पक्का भएको छ ।

यी तीन फिल्ममा स्टार कलाकारहरू प्रदीप खड्का, पल शाह र प्रकाश सपुत छन् । यी तिनको भिडन्तले स्टारडमको नतिजा दिनेछ । तर, यो मितिमा ‘सिंघम ३ र भूलभूलैयाँ ३’ जस्ता ठूला बलिउड फिल्म पनि भएकाले भिडन्त अझै रोचक हुने देखिएको छ । 

कात्तिकको ३० गते ३ वटा फिल्म रिलिज हुने पक्का भइसकेको छ । यो मितिमा ‘बम बहादुर, ह्रस्व दीर्घ र केटी हराएको सूचना’ रिलिज हुने पक्का भएको छ । 

यसरीहेर्दा, कात्तिक महिनामा ७ वटा फिल्म रिलिजको घोषणा भइसकेको छ । यी सबै फिल्म हेर्नका लागि दर्शकले औषतमा ३५ सय भन्दा बढी रकम खर्च गर्नुपर्ने हुन्छ ।