‘रावायण’को ‘तिम्रै लागि’मा रोमान्टिक पल र पूजा

सुदर्शन थापा प्रोडक्सन र पूजा शर्मा प्रोडक्सनको ब्यानरमा निर्माण हुन लागेको फिल्म ‘रावायण’को दोस्रो गीत ‘तिम्रै लागि’ सार्वजनिक भएको छ । 

रोमान्टिक यो गीतमा कुनाल गन्जावाला र सोनु कक्करको स्वर, डाक्टर कृष्णहरि बरालको शब्द, निरज सिंहको संगीत छ । 

सार्वजनिक गीतमा फिल्मका मुख्य दुई कलाकारहरू नायक पल शाह र नायिका पूजा शर्मालाई रोमान्टिक रुपमा प्रस्तुत गरिएको छ । कोरियोग्राफर रामजी लामिछानेले भिडियोलाई उत्कृष्ट बनाएका छन् । 

फिल्ममा पूजा शर्मा, पल शाह, प्रियंका कार्की, प्रमोद अग्रहरी, प्रकाश शाह, अर्जुन जंग शाही, शर्मिला मल्ल, कैलाश रावल लगायतका कलाकारहरुको अभिनय छ । 

फिल्ममा सुदर्शन थापाको निर्देशन, पूजा शर्माको लगानी, शिवम् अधिकारीको लेखन, सुदर्शन थापाको कथा, सौरभ लामाको डीओपी, श्री श्रेष्ठको एक्सन छ । 

यो फिल्ममा नायक पल शाहको दोहोरो भूमिका छ । फिल्मको ट्रेलरले दर्शकको मन जितिसकेको छ । यसैले, भदौ २१ गते बक्स अफिसमा उछाल आउने अपेक्षा गरिएको छ ।