‘एक्लो–१’मा ‘कल्की’ प्रदिप

भोलीबाट छायांकनमा जान लागेको फिल्म ‘एक्लो–१’को निर्माण टिमले नायक प्रदीप खड्काको क्यारेक्टर पोस्टर सार्वजनिक गरेको छ । 

सार्वजनिक पोस्टरमा नायक प्रदीप खड्कालाई ‘कल्की’को अवतारमा प्रस्तुत गरिएको छ । यो बर्षकै ब्लकबस्टर साउथ फिल्म ‘कल्की’मा पनि नायक प्रभाष शीर्ष भूमिकामा देखिएका थिए । सोही नामलाई सापटी लिँदै निर्माणपक्षले प्रदीपको पात्र चयन गरेको छ । 

प्रदीप शाहीको निर्देशनमा तयार हुन लागेको यो फिल्ममा बेनिशा हमाल, विजय लामा, कविता नेपाली, सुनिल थापा, सुरज सिंह ठकुरी, दिया पुन लगायतका कलाकारहरुको पनि अभिनय रहनेछ । 

फिल्ममा क्षितिज सुवेदी कार्यकारी निर्माताको रुपमा छन् । साई प्रोडक्सनको व्यानरमा निर्माण हुन लागेको फिल्मलाई सन् २०२५ मा रिलिज गर्ने तयारी गरिएको छ । यो फिल्मले अन्तरिक्षको कथा भन्नेछ । यसैले, फिल्म विशेष रहेको र प्रि–प्रोडक्सनको तयारी पनि भव्य रुपमा गरिएको कार्यकारी निर्माता सुवेदी बताउँछन् । 

यो फिल्ममा बेलायती अभिनेता जेमी बेकनको पनि मुख्य भूमिका रहनेछ । यो फिल्मको छायांकनका लागि जेमी मंगलबार बेलुकी नेपाल आएका छन् ।