कार्तिक १५ बाट पलको ‘मायाबी’ रिलिज हुने

दिवाकर भट्टराइको निर्देशनमा तयार भएको फिल्म ‘मायाबी’ कार्तिकको १५ गतेबाट रिलिज हुने भएको छ । 

विशेष स्रोतले मेरो फिल्मलाई दिएको जानकारी अनुसार, यो फिल्मको टिमले तिहारको लक्ष्मी पूजाबाट फिल्म रिलिज गर्ने पक्का गरिसकेको छ । तर, आधिकारिक घोषणा केही दिनमै गर्ने तयारी यसको निर्माणपक्षको छ । 

यो फिल्म निर्माण भएको केही समय भयो । तर, प्रदर्शन मिति तय गर्न भने निर्माणपक्षले सकिरहेको थिएन । तर, तिहारमा फिल्म रिलिज गर्ने पक्का गर्दै निर्माणपक्षले केही दिनमै प्रचार आरम्भ गर्दैछ । 

फिल्ममा नायक पल शाह मुख्य भूमिकामा छन् । उनको साथमा फिल्ममा दीपिका प्रसाई, करिश्मा श्रेष्ठ, सुशील सिटौला समिम खानको मुख्य भूमिका छ । 

कार्तिक १५ बाट नायक प्रदीप खड्काको मुख्य भूमिका रहेको फिल्म ‘एक्टर’ पनि रिलिज हुँदैछ ।