‘सतीदेवी’ हेरेर रुँदै निस्किए दर्शक

शुक्रबारबाट प्रदर्शनमा आएको फिल्म ‘सतीदेवी’ले दर्शकको मन जितिरहेको छ । फिल्म हेरेर अधिकांश दर्शक रोएका छन् । एक दर्शकले त फिल्म हेरेपछि तीन दिनसम्म आफू रोइरहेको उल्लेख गरेकी छिन् । 

दर्शकहरुले मलिका महतको अभिनय, बाल–कलाकारहरुको अभिनयले आफूलाई रुवाएको भन्दै सुजा जोङबाङ लिम्बुले तीन दिनदेखि फिल्मका दृश्यहरु दिमागमा घुमिरहेको उल्लेख गरेकी छिन् । यस्ता फिल्म अझै बन्नुपर्ने भन्दै दर्शकहरुले सबैले हेर्नुपर्ने उल्लेख गरेका छन् । 

फिल्म हेरेपछि सामाजिक संजालमा दर्शकका भावना पोखिएका छन् । लक्ष्मण सुवेदीको लेखन, निर्माण तथा निर्देशनमा तयार भएको फिल्मले प्रिमियरमा पनि तारिफ बटुलेको थियो ।

फिल्ममा समावेश दृश्यहरुले भावुक बनाएको अधिकांश दर्शकको भनाई छ । फिल्मका निर्देशक सुवेदीले दर्शकले दिएको प्रतिक्रियाबाट हौसला मिलेको बताए । आफूले सोचेको कथा भन्न सफल भएको भन्दै सुवेदी उत्साहित देखिए । 

यो फिल्ममा मलिका महत, रमेश वुढाथोकी, भोलाराज सापकोटा, कुलदीप अधिकारी, सन्दीपबाबु लोहनी, श्रृजना अधिकारी, मनीषा सापकोटा, सुजिता सिवाकोटी, तुलसी श्रेष्ठ, ईश्वरी सिंह, सन्देश लिम्बु, पवन केसी, जगदीश अधिकारी लगायतका कलाकारहरुको अभिनय छ ।