दुई हजार विद्यार्थीमाझ ‘रावायण’को प्रचार

टेक्सस कलेजको एक कार्यक्रममा भदौको २१ गतेबाट रिलिजमा आउन लागेको फिल्म ‘रावायण’को टिम पुगेर फिल्मको प्रचार गरेका छन् । 

टेक्सस कलेजको ‘स्वागत तथा बिदाई’ कार्यक्रममा फिल्मका निर्देशक सुदर्शन थापा, नायिका पूजा शर्मा, कलाकार प्रमोद अग्रहरि, प्रकाश शाह लगायत पुगेका थिए । दुई हजार विद्यार्थीको माझमा उनीहरुले फिल्मको बिषयमा जानकारी गराएका थिए । विद्यार्थीहरुले पनि फिल्म हेर्नका लागि आफूहरु आतुर रहेको प्रतिक्रिया दिएका थिए । 

उनीहरुले सधै नै आफूहरुको फिल्म रिलिजको समयमा टेक्सस कलेजले साथ र सहयोग गर्दै आएको भन्दै यसपटक पनि सोही किसिमको साथ पाउने विश्वास व्यक्त गरे । 

सुदर्शन थापाको निर्देशनमा तयार भएको यो फिल्ममा पल शाह, पुजा शर्मा, प्रमोद अग्रहरि, प्रकाश शाह लगायतका कलाकारहरुको अभिनय छ । फिल्मको ट्रेलर र गीतले दर्शकको राम्रो साथ पाइरहेको छ । 

अहिले फिल्मको टिम प्रचारमा व्यापक रुपमा लागिपरेको छ ।