‘सानो संसार’ प्रि–पोन्ड, असोज ११ बाट रिलिजमा आउने

निर्माता अर्जुन कुमारको लगानीमा तयार भएको फिल्म ‘सानो संसार’को प्रदर्शन मिति प्रि–पोन्ड भएको छ । यो फिल्म अब असोजको ११ गतेबाट रिलिज हुने पक्का भएको छ । यसअघि फिल्मको प्रदर्शन मिति असोजको १७ गतेलाई तोकिएको थियो ।

निर्माता कुमारले फिल्म प्रि–पोन्ड भएको जानकारी दिए । पारिवारिक कथावस्तुमा तयार भएको यो फिल्ममा हाँस्य कलाकारहरू सितादेवी तिमल्सेना, राज पंगेनी शर्मा, अनु दाहाल, अन्जसा रिजाल, शिशिर सिवाकोटीको अभिनय छ ।

यी सबै कलाकारहरूले फिल्म क्षेत्रमा यही फिल्मबाट डेब्यू गर्न लागेका हुन् । राजधानी मिडिया एड प्रोडक्सन र प्रिन्सेस मुभिजको ब्यानरमा निर्माण भएको यो फिल्मका कार्यकारी निर्माता माधव वाग्ले हुन् ।

सिद्धार्थ पुडासैनीको निर्देशनमा तयार भएको फिल्ममा सरिष्मा पुडासैनी र सिद्धार्थको कथा लेखन छ ।