अष्ट्रेलियामा फुटबल खेल्न मैदानमा उत्रिए बद्री र दुर्गेश

‘द सुड्डाज’ समूहको आयोजनामा अष्ट्रेलियामा फुटबल खेल सम्पन्न भएको छ । सांगीतिक कार्यक्रमको सिलसिलामा अष्ट्रेलिया पुगेका गायकहरू बद्री पंगेनी र दुर्गेश थापा उक्त फुटबल खेलमा सहभागी भए । 

अष्ट्रेलियाको एडिलेडमा आयोजित फुटबल खेलमा नेपालबाट पुगेका गायिका एन्जिला रेग्मी र गायक मानसराजले मैदान बाहिर बसेर साथ दिए । 

नेपाल बाहिर आएर पनि फुटबल खेल्न पाउँदा अत्यन्त खुशी लागेको बद्रीले बताए । ‘ओके छ त इभेन्ट्स’को व्यवस्थापनमा गायक–गायिकाहरु सांगीतिक प्रस्तुतिका लागि अष्ट्रेलिया पुगेका हुन् । 

गायक बद्री पंगेनी राम्रो फुटबल खेल्ने खेलाडी समेत हुन् । उनले, उक्त खेलमा दुई गोल गरेका थिए ।