इन्स्टाग्राममा प्रदीपले किन कसैलाई फलो गरेका छैनन् ?

नेपाली फिल्म क्षेत्रका चल्तीका नायक हुन्, प्रदीप खड्का । प्रदीपको चर्चा नेपाली फिल्म क्षेत्रमा सर्वाधिक छ । उनको हातमा फिल्मको लाइनअप पनि लामो छ । 

उनै, प्रदीपलाई सामाजिक संजालमा पछ्याउने पनि धेरै छन् । विशेषगरी, सामाजिक संजाल इन्स्टाग्राममा प्रदीपलाई पछ्याउनेको संख्या उल्लेख्य छ । तर, प्रदीपले भने कसैलाई पनि पछ्याएका छैनन् । 

आखिर, सामाजिक संजालमा किन कसैलाई प्रदीप फलो गर्दैनन् ? मिडियासँगको कुराकानीमा प्रदीपले आफू सामाजिक संजालमा खासै सक्रिय नभएको बताए । उनले, आफूलाई सामाजिक संजालमा खासै रुची नभएको बताउँदै त्यसको खास कारण भने थाहा नभएको जवाफ दिए । 

तर, आफू ह्वाट्सअपमा भने निकै व्यस्त रहने र तत्काल प्रतिक्रिया दिने प्रदीपको भनाई छ । सामाजिक संजाल इन्स्टाग्राममा प्रदीपलाई १ लाख ५२ हजार बढीले पछ्याएका छन् । उनले भने, कसैलाई पनि फलो गरेका छैनन् । 

कामको कुरा गर्दा प्रदीपको ‘एक्टर, पिताम्बर, एक्लो, ऐरी’ लगायतका फिल्म लाइनअपमा छन् ।