फिल्ममा ‘साइबर सेना’को आक्रमणपछि दीपकराजको यस्तो प्रतिक्रिया

नेपाली फिल्म क्षेत्रमा ‘साइबर सेना’को बिषयमा बेलाबखत चर्चा हुने गरेको छ । विशेषगरि, सामाजिक संजालमा कुनै कलाकार, व्यक्ति वा फिल्मलाई लक्षित गरेर थुप्रै प्रतिक्रियाहरू आउने गर्दछन् ।

अरूका प्रचार सामाग्रीमा पनि एउटै फिल्मको नाम वा कलाकारको नाम प्रयोग गर्दै गाली गलौज वा प्रशंसा खुबै भेटिने गर्दछ । अझ, एकसाथ फिल्म जुध्दा एउटा फिल्ममाथि अर्को फिल्मको बिषयमा प्रशंसा गर्दै प्रहार गर्ने प्रथा नै नयाँ होइन । 

आफ्नो फिल्म ‘छक्का पन्जा ५’माथि पनि साइबर सेनाको आक्रमण बढेपछि निर्माता, कलाकार तथा लेखक दीपकराज गिरीले असन्तुष्टि पोखेका छन् । उनले लेखेका छन्–‘राजनीतिमा साइबर सेना त सुनकै हो अब फिल्म क्षेत्रमा पनि आएछ । तर, ती सेनाका सेनापतिले आफ्ना सेनालाई अरूलाई गाली गर्नु भन्दा आफ्नै प्रचार मात्र गर्न लगाए हुने ।’

असोजको २४ गतेबाट रिलिजमा आउन लागेको फिल्म ‘छक्का पन्जा ५’सँग ‘ज्वाइँ साब र १२ गाउँ’ भिड्दैछन् ।