‘बेहुली फ्रम मेघौली’को रमाइलो टिजर सार्वजनिक

फिल्म ‘बेहुली फ्रम’ मेघौली’को  टिजर सार्वजनिक गरिएको छ । कलाकार निश्चल बस्नेत र नायिका स्वस्तिमा खड्काको मुख्य भूमिका रहेको यो फिल्मको टिजरलाई कमेडी रुपमा प्रस्तुत गरिएको छ । यो टिजर फिल्म हलमा भने गत साता नै रिलिज गरिएको थियो ।

युट्युबमा भने निर्माणपक्षले आज बिहान सार्वजनिक गरेको हो । रोचक तरिकाले प्रस्तुत गरिएको टिजरमा बिहेका लागि योग्य केटा नपाउँदाको पीडा प्रस्तुत गरिएको छ । ३ जना युवकले हात माग्न आउँदा पनि स्वस्तिमाले योग्य बेहुला नपाउँदाको पीडालाई टिजरमा प्रस्तुत गरिएको छ ।

यो टिजरले दर्शकलाई फिल्मप्रति उत्सुकता पैदा गर्ने देखिन्छ । यो फिल्ममा बसुन्धरा भुसाल, विजय बराल, सिम्रन खड्का, लोकेन्द्र लेखक, रक्षा थापा, सिरु बिष्ट, आमिर गौतम, शिशिर सिवाकोटी, टिका पहारी, प्रभाकर शर्मा, लुनिभा तुलाधर, मुकुन्द मैनाली, रामबाबु रेग्मीको अभिनय छ ।

असोजको १७ गतेबाट यो फिल्म देशभरका हलमा रिलिज हुँदैछ । ब्ल्याक हर्स पिक्चर्स र मेघौली फिल्मस्को ब्यानरमा निर्माण भएको फिल्ममा साजन काफ्ले र आकाश बरालको लेखन तथा निर्देशन छ ।

फिल्ममा फिरोज खड्का र शंकर पाण्डे कार्यकारी निर्माताको रुपमा छन् । निश्चल र स्वस्तिमा फिल्मका निर्माता हुन् । फिल्ममा नरेन्द्र मैनालीको छायांकन, प्रदीप लामा र केवीका खत्रीको कोरियोग्राफी, जयन जे वाइवा र कुशल पोखरेलको संगीत, निमेष श्रेष्ठको सम्पादन छ ।