‘वर एण्ड वधु’को नयाँ गीत 'सिरी सिरी हावा' रिलिज

मिलन चाम्सको निर्देशनमा तयार भएको फिल्म ‘वर एण्ड वधु’को नयाँ गीत सार्वजनिक गरिएको छ । बिहीवार 'सिरी सिरी हावा' बोलको गीत युट्युब मार्फत सार्वजनिक गरिएको हो ।

सञ्चारकर्मी नरेश भट्टराईको शब्द रचना तथा युग भुषालको संगीत रहेको गीतमा सुगम पोखरेल र नेहा करोडेको स्वर छ । नेपाल र रोमानियाको सुन्दर लोकेशनमा खिचिएको फिल्मको गीतको भिडियोमा कविराज गहतराजको कोरियोग्राफी हेर्न सकिन्छ ।

यो गीतको भिडियोमा यो फिल्मका मुख्य कलाकार अभिनेत्री आँचल शर्मा र नव-अभिनेता विवेक कर्माचार्य फिचरिङ छन् । जानुका थापाको लगानी रहेको यो फिल्ममा अमित रिजाल कार्यकारी निर्माता रहेका छन् ।

एलआरके प्रोडक्शनको ब्यानरमा निर्माण भएको फिल्मले सामाजिक कथावस्तुलाई रमाइलो शैलीमा प्रस्तुत गर्नेछ ।

सुदिप बरालको डीओपी रहेको फिल्ममा मिलन श्रेष्ठको सम्पादन, साहिल खानको ट्रेलर, हिमाल केसीको एक्सन, प्रदीप भारद्वाजको लेखन, रविन्द्र न्यौपाने र अनिस स्याङ्देनको कोरियोग्राफी, सन्तोष लामाको कला निर्देशन, अर्जुन पोखरेलको संगीत छ ।

यो फिल्ममा आँचल शर्मा, विवेक कर्माचार्य, गरिमा शर्मा, विजु पार्की, किरण केसी, सरिता लामिछाने, कुसुम शर्मा, श्रृष्टी खड्का, हिमेश पन्त, दिनेश काफ्ले, यमन श्रेष्ठ, रविन्द्र खड्का, अंशु महर्जन र सिता न्यौपानेको अभिनय छ ।