प्रेम र एक्सनले भरिपूर्ण ‘रावायण’को ट्रेलर

भदौको २१ गतेबाट सार्वजनिक प्रदर्शनमा आउन लागेको फिल्म ‘रावायण’को एक्सनप्रधान ट्रेलर सार्वजनिक गरिएको छ । बिहीवार काठमाडौंमा एक कार्यक्रमको आयोजना गर्दै यो चलचित्रको ट्रेलर सार्वजनिक गरिएको हो । 

यो फिल्मको सार्वजनिक ट्रेलरमा पल शाह दोहोरो भूमिकामा प्रस्तुत छन् । ट्रेलरमा उनको एक्सन आँफै सँग देखिएको छ । यो फिल्मको ट्रेलरमा उनलाई सकारात्मक र नकारात्मक गरि दुई रुपमा देखाइएको छ । 

त्यस्तै, फिल्मको ट्रेलरमा नायल पल र पूजालाई जोडीको रुपमा प्रस्तुत गरिएको छ । प्रियंकालाई इस्लाम महिलाको रुपमा चित्रण गरिएको छ । ट्रेलरको अन्तिम दृश्यमा पलले निर्वाह गरेका दुई चरित्रबीचको लडाइँलाई प्रस्तुत गरिएको पाईन्छ ।

सुदर्शन थापा प्रोडक्शन र पूजा शर्मा प्रोडक्शनको ब्यानरमा निर्माण भएको यो फिल्मलाई पूजा शर्माले एकल निर्माण गरेकी हुन् । यो फिल्मका कार्यकारी निर्माताको रुपमा सुशन पाठक छन् ।

सुदर्शन थापाको निर्देशन रहेको यो फिल्ममा शिवम् अधिकारीको लेखन, सुदर्शन थापाको कथा, प्रदीप श्रीवास्तवाको पटकथा, सौरभ लामाको डीओपी, मिलन श्रेष्ठको सम्पादन र श्री श्रेष्ठको एक्सन रहेको छ ।

फिल्ममा पल शाह, पूजा शर्माको साथमा प्रियंका कार्की, प्रमोद अग्रहरी, निकिता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदीप ढकाल लगायतका कलाकारहरुको अभिनय छ ।