‘एक्लो’को वर्कशपमा प्रदीप र बेनिशा

फिल्म ‘एक्लो’को वर्कशप धमाधम चलिरहेको छ । निर्देशक प्रदीप शाही बेलायतबाट फर्किए लगतै यसको वर्कशप सुरु गरिएको हो । भदौको अन्तिमबाट छायांकन सुरु गर्न लागिएको यो फिल्मका मुख्य कलाकारहरू वर्कशपमा व्यस्त छन् ।

फिल्मका मुख्य कलाकारहरू प्रदीप खड्का, विजय लामा, सुनिल थापा, दिनेश डीसी, सुरज सिंह ठकुरी, बेनिशा हमाल, कविता नेपाली, दिया पुन आदि सहभागी छन् । नेपाली फिल्मलाई अन्तराष्ट्रिय बजारमा पुर्याउने उद्देश्यका साथ यो फिल्मको निर्माण गर्न लागिएको निर्देशक शाहीको भनाई छ ।

बेलायतमा फिल्मको मेकिङ पढेका निर्देशक शाहीले यो फिल्मलाई विशेष बनाउने तयारी गरिएको बताए । साही प्रोडक्शन नेपालको ब्यानरमा निर्माण हुन लागेको यो फिल्म निर्माणमा ह्रयाम्साएर एकाउन्टेनको सहकार्य छ । 

फिल्मले अन्तरिक्षमा नेपालबाट रकेट पठाउने विषयलाई उठान गर्नेछ । यसका लागि अहिले फिल्मको निर्माण टिम प्रि–प्रोडक्शनको तयारीमा व्यस्त छ ।