‘नरसिंहाः अवतार’मा सनिसाको प्रवेश, हमालसँग जोडी बाँध्ने

दिवाकर भट्टराईको निर्देशनमा तयार हुन लागेको फिल्म ‘नरसिंहाः अवतार’मा नायिका सनिसा भट्टराई फाइनल भएकी छिन् । निर्माणपक्षले सनिसासँग केही समय अगाडि संझौता गरेको हो । 

सनिसाले नायक विराज भट्टले निर्देशन गरेको फिल्म ‘१२ गाउँ’बाट डेब्यू गरेकी हुन् । अब, उनी यो फिल्ममा नायक राजेश हमालसँग देखिने पक्का भएको छ । फिल्ममा नायिका नीति शाह पनि फाइनल भइसकेकी छिन् । 

निर्माणपक्षले भदौबाट फिल्मको छायांकन सुरु गर्ने तयारी गरेको छ । सनिसाको भूमिका पनि महत्वपूर्ण रहेको निर्माणपक्षको भनाई छ । 

म्युजिक भिडियो हुँदै फिल्ममा प्रवेश गरेकी नायिका भट्टराइको करिअर सुखद रुपमा अगाडि बढिरहेको छ । उनले, विराजपछि राजेश हमालसँग फिल्मी यात्रा अगाडि बढाउन लागेकी हुन् । 

पूर्ण रुपमा एक्सन जनरामा बन्न लागेको यो फिल्मलाई लिएर नायक हमाल उत्साहित छन् । यो फिल्मबाट नायक हमालको बलियो कमब्याक हुने अपेक्षा दिवाकरको छ ।