‘रावायण’को शिर्ष गीतः पल र पूजाको दमदार डान्स

भदौको २१ गतेबाट रिलिजमा आउन लागेको फिल्म ‘रावायण’को शीर्ष गीत सार्वजनिक भएको छ । यो शीर्ष गीतमा रेवन आरती सिंहको संगीत, नाकास अजिजको स्वर, डाक्टर कृष्णहरि बरालको शब्द छ । 

विक्रम स्वारको कोरियोग्राफी रहेको यो गीतको भिडियोमा नायक पल शाह र नायिका पूजा शर्माको दमदार डान्स हेर्न सकिन्छ । शक्तिशाली म्युजिकमा यी दुइको डान्सले दर्शकको ध्यान खिच्न सक्छ । 

सुदर्शन थापाको निर्देशनमा पूजा शर्माको एकल लगानी रहेको यो फिल्ममा पल शाह, पूजा शर्मा, प्रियंका कार्की, प्रमोद अग्रहरी, प्रकाश शाह, अर्जुन जंग शाही, शर्मिला मल्ल, कैलाश रावल, प्रदीप ढकाल लगायतका कलाकारहरुको अभिनय छ । 

सुदर्शन थापा प्रोडक्शन र पूजा शर्मा प्रोडक्शनको ब्यानरमा निर्माण भएको यो फिल्ममा विक्रम स्वार र रामजी लामिछानेको कोरियोग्राफी, श्री श्रेष्ठको एक्सन, मिलन श्रेष्ठको सम्पादन, सौरभ लामाको डीओपी छ । सुदर्शन थापाको कथा रहेको फिल्ममा शिवम् अधिकारीको लेखन छ ।