‘बुलाकी’को नयाँ गीतमा सुरक्षा र विराजको प्रेम

शुक्रबार अर्थात् साउनको ३२ गतेबाट रिलिजमा आउन लागेको फिल्म बुलाकी’को नयाँ गीत ‘रातले कुर्या चन्द्रमा’ सार्वजनिक गरिएको छ । सोमबार सार्वजनिक गीतमा नायिका सुरक्षा पन्त र कलाकार विराज विष्टलाई फिचरिङ गरिएको छ ।

यो गीतमा बाबुल गिरीको संगीत, करण परियार र अन्नु चौधरीको स्वर छ । राजबहादुर सानेको कथा र लक्ष्मण सुनारको निर्देशनमा तयार भएको फिल्ममा नरेन खड्का, सरस्वती खत्रीको पनि मुख्य भूमिका छ ।

शिव ढकालको छायांकन रहेको फिल्ममा लक्ष्मी गिरी, सुशील पोखरेल, रमेश वुढाथोकी, कुलद्धिप अधिकारी, झलनाथ खत्री, उपासना नेम्वाङ लगायतका कलाकारको पनि अभिनय छ । यो फिल्मलाई काठमाडौंमा रीच इन्टरटेन्मेन्ट र मोफसलमा एफडी कम्पनीले वितरण गर्दैछन् ।