गायक प्रकाश तिमिल्सिनाको निधन

गायक प्रकाश तिमिल्सिनाको निधन भएको छ । उनी आफ्नै निवासमा मृत भेटिएका थिए । ललितपुर महानगरपालिका–१८ आदिनाथ मार्गस्थित आफ्नै कोठामा उनी मृत भेटिएको प्रहरीले बताएको छ । 

उनको शवलाई पोस्टमार्टमका लागि अहिले पाटन अस्पतालमा राखिएको छ । उनी, शनिबार राती ९ बजे आफ्नो बेडमा मृत भेटिएका थिए । 
गायक तिमिल्सिनाको निधनले सांगीतिक क्षेत्रमा ठूलो क्षति पुगेको भन्दै कला क्षेत्रका कलाकर्मीहरुले दुःख व्यक्त गरेका छन् । 

गायक तिमिल्सिनाको ‘नमान लाज यसरी, नआए नि हुन्थ्यो, तिम्रो हातको सिन्दुर, जुन भन्दिन’ लगायतका गीतहरू चर्चामा छन् । 

नेपाली तारा नाम रियालिटी शोबाट उदाएका प्रकाशको आज नै पशुपति आर्यघाटमा अन्तिम दाहसंस्कार गरिनेछ । त्यसअघि उनको पार्थिव शरीरलाई अन्तिम श्रद्धाञ्जलीका लागि संगीत तथा नाट्य प्रज्ञाप्रतिष्ठानमा राख्ने तयारी गरिएको छ ।