सुखद शो सहितहलमा लाग्यो ‘नम्बरी सुन’

फिल्म ‘नम्बरी सुन’ आजबाट हलमा लागेको छ । राजु गिरीको निर्देशनमा तयार भएको यो फिल्मले प्रेमको कथा भन्छ । 

फिल्ममा विशेषगरि, नायिका नम्रता सापकोटा र नायक गौरव पहारीबिचको लभ स्टोरी कथालाई प्रस्तुत गरिएको छ । माथिल्लो जात र तल्लो जातको प्रेम कथा र त्यसमा आउने उतारचढावको कथालाई यो फिल्ममा प्रस्तुत गरिएको छ । 

फिल्ममा नम्रता, गौरव, विनोद न्यौपाने, नारायण खाती लगायतका कलाकारको अभिनय छ । 

फिल्म ‘नम्बरी सुन’को आज विशेष शो समेत आयोजना गरियो । फिल्म हेरेर फर्किएका अधिकांश पत्रकार र दर्शकले कथावस्तु मन परेको बताए ।

यो फिल्मको निर्माण टिमले १२ जना दर्शकलाई सुन उपहार दिने घोषणा समेत गरिसकेको छ ।