दिवाकरको एक्सन फिल्मबाट राजेश हमालको कमब्याक पक्का

नायक राजेश हमालको कमब्याक पक्का भएको छ । उनले, निर्देशक दिवाकर भट्टराईले निर्देशन गर्न लागेको नयाँ  फिल्मबाट कमब्याक गर्ने पक्का भएको हो । हमाल र दिवाकरबिच कागजी रुपमा संझौता समेत भएको छ । 

यो फिल्मको नाम केही दिनमा नै घोषणा गरिनेछ । निर्देशक भट्टराईका अनुसार, कमब्याकका लागि उत्कृष्ट कथा पाएपछि हमाल काम गर्न राजी भएका हुन् । यो फिल्मको छायांकन भदौबाट सुरु  हुनेछ । फिल्ममा अर्का नायक राज कटुवालको पनि मुख्य भूमिका रहने पक्का भएको छ । निर्माणपक्षले फिल्मको बारेमा केही दिनमा नै विस्तृत जानकारी दिने बताएको छ । 

नायक राजेश हमालले फिल्म ‘शकुन्तला’मा काम गरेपछि अन्य फिल्ममा काम गर्न रुची देखाएका थिएनन् । यो बीचमा उनलाई थुप्रै फिल्मको अफर समेत गएको थियो । उनले, फिल्म ‘सत्यम्’ साइन गरेपनि वर्कशपपछि यो फिल्मको काम अगाडि बढ्न सकेन । यसपछि, हमालले पनि आफूलाई म्युजिक भिडियोमा नै बढी व्यस्त बनाए । 

हमालले सामाजिक संजालबाट दिवाकरको फिल्ममा काम गर्न लागेको जानकारी दिएका छन् ।