‘रावायण’को टिजरः पलको एङ्ग्री अवतार, पत्रकार पूजा

नायिका पूजा शर्माको एकल लगानीमा निर्माण भएको फिल्म ‘रावायण’को टिजर सार्वजनिक भएको छ । सार्वजनिक टिजरमा नायक पल शाहलाई दोहोरो अवतारमा देखाइएको छ । तर, यो टिजरमा नायक शाहको एङ्ग्री अवतार हेर्न सकिन्छ । उनको क्यारेक्टर हिंस्रक देखिएको छ । 

सुदर्शन थापाको निर्देशनमा तयार भएको फिल्ममा पूजा शर्मा निर्मात्रीको रुपमा छिन् । फिल्ममा पलसँगै उनको पनि मुख्य भूमिका छ । फिल्ममा सशान पाठक कार्यकारी  निर्माताको रुपमा छन् । 

शिवम् अधिकारीको लेखन रहेको यो फिल्ममा सुदर्शन थापाको कथा, प्रदीप श्रीवास्तवभाको पटकथा, सौरभ लामाको छायांकन, मिलन श्रेष्ठको सम्पादन, श्री श्रेष्ठको एक्सन छ । 

निरज सिंह, रिभान र आरती सिंहको संगीत रहेको यो फिल्ममा विक्रम स्वार र रामजी लामिछानेको कोरियोग्राफी छ । समीर मियाँले फिल्ममा भीएफएक्स गरेका छन् । फिल्ममा पल शाह, पूजा शर्मा, प्रमोद अग्रहरी, प्रकाश शाह, प्रियंका कार्की, निकिता चण्डक लगायतका कलाकारको पनि मुख्य भूमिका छ । 

भदौको २१ गतेबाट रिलिजमा आउने यो फिल्मको टिजरले दर्शकलाई आकर्षित गर्ने देखिएको छ । विशेषगरि, पल शाहलाई रोमान्टिक अवतारमा देख्दै आएका दर्शकले यसमा भिन्न रुपमा देख्न पाउनेछन् । फिल्ममा पूजालाई पत्रकारको भूमिकामा देखाइएको छ ।