‘सतीदेवी’को ट्रेलरः छोराको चाहनामा रुमल्लिएको एक परिवारको कथा

भदौको ७ गतेबाट रिलिजमा आउन लागेको फिल्म ‘सतीदेवी’को ट्रेलर सार्वजनिक भएको छ । पोस्टर सार्वजनिक भएसँगै चर्चामा रहेको यो फिल्मको ट्रेलरमा छोराको चाहनामा रुमल्लिएको एक परिवार, छोरीहरूको बेदनाको कथा भनिएको छ । फिल्मको केन्द्रीय भूमिकामा नायिका मलिका महत छिन् । 

फिल्ममा हर्षिका वली, मन्जिला बनियाँ, सन्दिप बाबु लोहनी, रमेश बुढाथोकी, कुल बहादुर अधिकारी, भोलाराज सापकोटा, श्रृजना अधिकारी, सुजिता सिवाकोटी, सन्देश लिम्बु, मनीषा सापकोटा लगायतका कलाकारहरुको अभिनय छ । 

श्रीदेवी सुवेदी र विशाल सुवेदी निर्माता रहेको फिल्ममा लेखन तथा निर्देशन लक्ष्मण सुवेदीको छ । तारा थापाको सम्पादन, बाबु श्रेष्ठको छायांकन, रामजी लामिछानेको कोरियोग्राफी, दीपक शर्मा र सुभाष भुसालको संगीत रहेको यो फिल्मले सामाजिक कथालाई उठान गरेको छ । 

कार्यक्रममा बोल्दै फिल्मका निर्देशक लक्ष्मण सुवेदीले अहिलेसम्म रिलिजमा आएका नेपाली फिल्ममध्ये ‘सतीदेवी’ उत्कृष्ट बनेको दाबी गरे । उनले, यो फिल्म नभएर प्राण भएको तर्क गरे ।