‘बुलाकी’को नयाँ गीतमा नारीको बेदना

साउनको ३२ गतेबाट पुनः रिलिज हुन लागेको फिल्म ‘बुलाकी’को नयाँ गीत सार्वजनिक गरिएको छ । सार्वजनिक ‘सधैं पछि परन्या हुन् स्त्री’ बोलको गीतले नारीको बेदनाको कथा भन्छ ।

छत्रेश्वरी म्यानेजमेन्टको तर्फबाट निर्माण भएको यो फिल्मको गीतमा समीक्षा अधिकारीको स्वर, बाबुल गिरीको शब्द तथा संगीत छ । फिल्मलाई समावेश दृश्यहरुलाई जोडेर भिडियो तयार पारिएको छ ।

भिडियोमा फिल्मका मुख्य कलाकारहरू सुरक्षा पन्त, विराज विष्ट र नरेन खड्का देखिएका छन् । यस्तै, भिडियोमा सरस्वती खत्री, रमेश वुढाथोकी, सुशील पोखरेल लगायतका कलाकारहरूलाई पनि प्रस्तुत गरिएको छ । यो फिल्मले देशका विभिन्न नाम चलेका अवार्डहरू प्राप्त गरिसकेको छ । लक्ष्मण सुनारले यो फिल्मको निर्देशन गरेका हुन् ।

स्वर्गीय मोती विष्टको प्रस्तुतिमा बनेको यो फिल्मका निर्माता टोपेन्द्र विष्टले निर्माण गरेका हुन् । अर्जुन जिसीको सम्पादन र शिव ढकालको छायांकन रहेको यो फिल्मलाई काठमाडौंमा रीच इन्टरटेन्मेन्ट र मोफसलमा एफडी कम्पनीले वितरण गर्दैछन् ।