‘रावायण’को फस्टलुकमा पलको यस्तो गेटअप

भदौको २१ गतेबाट रिलिजमा आउन लागेको फिल्म ‘रावायण’को फस्टलुक सार्वजनिक गरिएको छ । सार्वजनिक फस्टलुकमा नायक पल शाह मात्र अटाएका छन् । 

नायक पल शाहको गेटअप भिन्न लाग्छ । लामो दाह्री, जुँगा र कपाल पालेका पलको यो गेटअपले दर्शकको उत्साह बढाउने देखिएको छ । 

सुदर्शन थापाको निर्देशनमा तयार भएको यो फिल्मलाई पूजा शर्माले एकल लगानीमा निर्माण गरेकी हुन् । 

यो फिल्ममा सुशन पाठक कार्यकारी निर्माताको रुपमा छन् । फिल्ममा शिवम् अधिकारीको लेखन, सुदर्शन थापाको कथा, प्रदीप श्रीवास्तवाको पटकथा, सौरभ लामाको डीओपी, मिलन श्रेष्ठको सम्पादन, श्री श्रेष्ठको एक्सन छ ।

फिल्ममा नायक पल शाह र नायिका पूजा शर्मा मुख्य भूमिकामा छन् । फिल्ममा पलको दोहोरो भूमिका छ । फिल्म भित्र पलले आफैंसँग एक्सन गर्दै गरेको दृश्य हेर्दा दर्शकलाई पक्कै पनि रोचक लाग्नेछ । फिल्मको टिजर शुक्रबार रिलिज गर्ने तयारी गरिएको छ ।