दयाको ‘कार्साङ’को छायांकन सुरु

नायक दयाहाङ राइले फिल्म ‘कार्साङ’को छायांकन सुरु गरेका छन् । साउनको १५ गते सिन्धुपाल्चोक जिल्लाको बाह्रबिसे नगरापलिकास्थित यार्सा गाउँबाट शेर्पा परम्परा अनुसार पुजा गर्दै यो फिल्मको छायांकन सुरु गरिएको हो । 

सामाजिक कथावस्तुमा निर्माण हुने फिल्मको छायांकन एक महिनाको राखिएको निर्माणपक्षले बताएको छ । यो फिल्ममा दयाहाङ राई, श्रृजना निङ्लेकु, जितु नेपाल, दिया मास्के, बुद्दि तामाङ, छिरिङ शेर्पा, सरिता गिरी लगायतका कलाकारहरुको अभिनय रहनेछ । 

यसअघि थुप्रै छोटा फिल्मको निर्देशन गरेका यमको यो डेब्यू फिल्म हो । फिल्ममा उनको नै कथा, पटकथा तथा संवाद छ । फिल्मका निर्माता पुरुषोत्तम प्रधान हुन् । फिल्ममा उनको नै डीओपी रहनेछ ।

गोविन्द बोहरा सह–निर्माता रहेको यो फिल्ममा आङछिरिङ शेर्पा कार्यकारी निर्माता, विरेन्द्र शाही लाइन प्रोड्यूसरको रुपमा छन् ।